मिसन किङ्ग-पुस २७-- एट्लान्टाको डेकाटुर ग्यास स्टेशन मा काम गर्दै आएका एक नेपाल् दामोदर पाठक को गोली हानी हत्या भएको छ्। पेट र छाती मा गोली लागेका पाठक लाई तत्काल ग्रेडी मेमोरिअल अस्पताल मा लगिएको थियो तर उपचार गर्दा गर्दै उन्को मृत्यु भएको थियो। रातको समय मा उनलाई गोली प्रहार हुँदा स्टेशनको सीसी टिभीमा रेकर्ड भए अनुसार पाठकमाथि गोली चलाउने व्यक्ति कालो रंगको भएको खुलेको छ। ग्राहकको भेसमा आएको व्यक्तिले केहीबेर भनाभन गरेपछि गोली प्रहार गरेको देखिएको छ। हत्या हुनु केही क्षण अघि मात्र पाठक दुई तीन पटक स्टोरबाट बाहिर भित्र गरेको देखिएको छ। पाठक काउन्टर भित्रै रहेको भए बुलेटप्रुफ सिसाको कारण गोलीबाट बाँच्न सक्ने स्थिति रहन्थ्यो।हत्या गरिएका पाठकको परिवार ललितपुरमा बसोबास गर्छ। १३ वर्षीय छोरी र ११ वर्षीय छोराका पिता दामोदर सन् २००७ मा अमेरिका पुगेका थिए। दुई वर्षदेखि उनी कृष्ण देवकोटा मालिक रहेको डेकाटुरस्थित सोही ग्यास स्टेशनमा काम गर्दै आएका थिए।नेप्लिज एसोसिएसन अफ जर्जियाका वरिष्ठ उपाध्यक्ष समेत रहेका स्टेशनल मालिक देवकोटाले पाठकको शव नेपाल पठाउने बारे परिवारसँग सम्पर्क गरिरहेको जानकारी दिए। पाठकको शव हाल ग्रेडी मेमोरियल अस्पतालमा राखिएको छ।
No comments:
Post a Comment
सभ्य भाषा मा कमेन्ट्सहरु लेख्नु होला। कमेन्ट्स पोस्ट गर्न comment as भएको मा select profile गरेर Anonymous लाई क्लिक गर्नु होला,त्यसपछी publish मा क्लिक गर्नु होला